Tamyz aıynyń sońynda Prezıdent Qasym-Jomart Toqaevtyń Jarlyǵymen qurylǵan Ulttyq qoǵamdyq senim keńesi óz jumysyn bastaıdy. Árıne, ashyǵyn aıtý kerek, áli de pikirler shoǵyry ekige jarylyp tur. Árıne, kúmánmen qaraıtyndardyń da pikirin baǵalaý kerek. Olar «buǵan deıin mundaı keńester bolǵan, onyń jemisin kórmedik» degendi aıtady. Biraq aqıqatyn aıtý kerek, bul jolǵy keńestiń jóni bólek. Muny burynǵylarmen salystyrýǵa esh bolmaıdy. Óıtkeni Ulttyq qoǵamdyq senim keńesin Prezıdent Toqaevtyń ózi basqarady. Demek, keńes keleli máselelerdi sóz etedi. Munda talqylanǵan máselelerdiń barlyǵy birden oryndalýy qıyn árıne. Biraq qoǵamnyń pikirin, halyqtyń únin Prezıdent Toqaevtyń ózi estıdi. Estip qana qoımaı, bolashaqta birtindep júzege asatynyna senim bar.
Sondyqtan da Ulttyq keńeske senim kúsheıedi.
Árıne, Prezıdent Toqaev qazirgi kezde ártúrli salada reformalardy bastaýǵa daıar otyr. Muny halyqpen tikeleı kezdesý jáne oǵan qulaq asý dep túsingen lázim.
Al Ulttyq qoǵamdyq senim keńesi ne úshin qajet?
- Keıingi kezde ár jerde jekelegen azamattardyń narazylyǵy artty. Máseleni bulaı qaldyra berýge bolmaıdy. Keleli másele kóshede sheshilmeýi tıtis.
- Muny bılik te túsindi. Sondyqtan belgili dárejede ózgerister kerek.
- Prezıdent Toqaevtyń Ulttyq keńesti shaqyrý týraly Jarlyǵynda osyndaı naqty qadam jatyr.
- Muny Elbasy Nazarbaevtyń jasaǵan reformanyń sabaqtastyǵy dep túsingen jón.
- Ulttyq keńeste talqalanǵan máseleden keıin qoǵamda betburys kezeńi bastalatynyna senim bar.
- Ulttyq keńeste kóp nársniń ashyq talqyǵa salynýy halyqtyń bolashaqqa degen senimin nyǵaıtady.
- Sondaı-aq bıliktiń halyq aldyndaǵy jaýapkershiligin arttyrady.
Árıne, biz «Ulttyq keńes ne úshin qajet?» degen saýalǵa jaýap berý barysynda munyń bastylaryn ǵana sóz ettik. Biraq keńeske múshe azamattar bul otyrysta halyqty tolǵandyrǵan meselelerdi eldiń talqysyna salady, Prezıdenttiń aldynda ashyq aıtady. Sondyqtan prezıdent Toqaev otyrys barysynda qordalanǵan kóp máselelerden qulaǵdar bolady jáne ol aldaǵy ýaqytta sheshimin tabady dep oılaımyz.
Ásel Bolatqyzy
